ي انسه
.- طلبك يا انسه؟
- كنت طالبه تورته عيد ميلاد
- بس مش شايفه انها صغيره ع عيد الميلاد؟!
- اتعصبت.. ودا يخص حضرتك في حاجه؟؟
- لا اسف يا فندم ، اتفضلى دا الاوردر
- تمام
اخدت التورته ومشيت وطول الطريق بتلفت حواليا بشوف اي مكان فاضى وهادى ، وفي الاخر وصلت ل جنينه او استراحه وفيها كراسى
النهارده عيد ميلادى.
عيد بلا ميلاد.
طلعت الشمعه من الشنطه وفضلت ادور ع كبريت او ولاعه وللاسف شكلها وقعت منى
نفخت پغضب...
- كانت ناقصه هيا، كدا كملت، عيد ميلاد بلا شمعه كمان
حطيت الشمعه
ميستاهلوش قالوا هنفضل مهما يحصل ومفضلوش..
نفس الحروف بس الفروق بين الوشوش..
مبيستنوش،مبيستنوش ، فميستاهلوش...
حسيت بحراره فتحت عينى لقيت نفس الشاب بتاع المحل
- ابتسم كل سنه وانتى طيبه
- مش معايا هديه دلوقت غير الورده دى ، اعتبرينى صاحبك بدالهم
- لا انت فاهم غلط انا عندى صحاب وكتير كمان ، فتحت الفون شوف كام واحده ع الواتس وكام ع الفيس، كام فولدر مليان صور لينا.. شايف كام فيديو لينا...
- مش شايف دلوقت غير انك لوحدك
انا مكنتش عايزه هديه، عايزه اشوف مردود ل اللي بقدمه، عايزه ع الاقل يقولوا كل سنه وانتى طيبه...
كتير عليا!!!
عارف..
اكتر يوم بكرهه في العالم هوا يوم عيد ميلادى لانه بيفكرنى قد ايه انا وحيده ومليش حد.
وان اللي حواليا مجرد ناس، مش صحاب.
