قصة الصدمة قصه مثيره جدا جدا
انا مش عارفه اتصرف ازاي ولا ابدأ منين…
كنت بايته عند اهلي وقمت ادخل الحمام عالفجر كده لقيت اختي واقفه بالبلكونه بتتكلم بالتليفون ….
فضولي خلاني اقرب عشان اسمع بتكلم مين بالوقت المتأخر ده ويارتني ماسمعت……
انا بسنت عندي ٢٩ سنه متجوزه من خمس سنين اختي اصغر مني ب ٩ سنين وبتدرس بالجامعه ……
اليوم ده كنت بايته عندهم عشان جوزي كان وراه شغل ومسافر برا المحافظه وهيقعد يومين هناك…..
قومت ادخل الحمام لقيت هاجر اختي مش نايمه على سريرها وسمعتها بتتكلم بالبلكونه بصوت واطي جدا
قربت بشويش لقيتها بتكلم حد وتقوله……
_ انا لازم انتق@م منها وهق@تلها ب ايديا دول هي متعرفنيش ومتعرفش انو انا الي حطيت الس@م في العصير ل ………
فجأه بنتي صحيت تعيط لما ملاقتنيش جنبها جريت احسن اختي تحس اني كنت بسمعها ورح تسمع صوت عياط البنت ولقيتها جايه ورايا ومخضوضه….
_ كنت بالحمام وسارة لما مالقتني جنبها صحيت تعيط… انتي ايه اللي مصحيكي دلوقتي …
_ مفيش مجاليش نوم قولت اصحى اقعد بالبلكونه شويه بس هدخل انام دلوقتي عشان ورايا جامعه كمان كام ساعه …..
استنيتها دخلت تنام وانا مرعوبة من اللي سمعته …
معقولة هاجر اختي الملاك تقدر تأذي نملة حتى …
بس انا سمعت ب وداني الكلام …
استنيت لما نامت ومسكت تليفونها اشوفها كانت بتكلم مين …..
اتصدمت اكتر لما لقيت الرقم اللي كانت بتكلمه انمسح ….
وقولت ادخل عالواتس يمكن اوصل ل حاجه …….
لقيت عالواتس رسايل من اصحابها كتير بس اللي لفت نظري رقم غريب كان في بينهم رسايل كتير
دخلت اقلب فيها كلها كلام مش مفهوم ولا حتي يدل هل هو كلام راجل والا بنت…..
