اسكريبت كامل جديد بقلم ل ياسمين ورد

على مامتك وخليها ترن عليا.
شورتلها على عيني وقلت من عينيا.
لقيته بص لي وقال استني رايحة فين
لفيت وقلت بجدية مصطنعة هنزل أنا بقى أشتري حاجتي وأرجع البيت ولا الحوجة ليك.
قام وقف وقالي وهو بيشاوؤ على الباب انجري قدامي هنزل معاكي يختي.
قولت بصوت حنين لا أصل مش عايزة أتعبك معايا.
زعقلي وقال يلا قولت!
نفخت وقولت طب متزوقش بقى.

وقلت بصوت واطي وأنا ببعد باين عليه بيغير ولا إيه
سمعني ورد عليا وهو بيبتسم نص ضحكة سمعتك على فكرة ومش بغير! مين يغير أنا محصلش.
شورت على عينيه وقلتله كداب ده عينيك ڤضحاك.
شدني من الجاكيت وقال بغيظ طب يلا بقى قرفتيني.
شلت إيده من الجاكيت للمرة التانية وظبطت هدومي وأنا بقول يعم متزوقش بقى.
ل ياسمين ورد 
نزلت انا وابن خالتي ودخلنا محلات الهدوم وكل ما يعجبني حاجه الاقيها مش عجباه.
نفخت وقولت بضيق يبني انت من امتى بتفهم في استايلات البنات عشان كل ما اقولك حاجه متعجبكش كده!
بقولك اي احمدي ربنا اني نزلت معاكي اصلا يا قصيرة انتي وكمان كل اللي بتختاريه فعلا مش حلو اسئليني انا.
بصيت في عينيه وقولتله واد يا كيرو اوعا تكون حبيت بنت قبل كده وكنت بتختارلها الهدوم الا كلامك ده مفيهوش غير كده!
مسك شعروا بإيديه عشان ميتعصبش وقال لا يختي محصلش اتنيلي بس من غير اصلا ما احب انتي فعلا استايلاتك مش قد كده افهمي يا غبية بصي تعالي معايا.
شدني من ايدي وخرجنا من المحل لقيتو دخلني محل تاني باين عليه غالي اوي.
همست وقولتله واحنا داخلين واد يا كيرو انت جايبني فين يواد ده باين عليه غالي!
لقيتو سابني ومردش عليا ودخل جوا فضل يدور ويشوف حاجات غريبة فضلت مستنياه وانا خاېفة حتى اشوف اسعار التيشرتات الي جمبي كام! بعدها جه وهو معاه كذا حاجه عجبوني بس السؤال بقى بكام القطعه.
خبطتو في كتفو وقولتله يا كيرو الحاجات دي بكام يولا ده كل الي اخدتهم الف جنيه بس!
بصلي ومردش الواد ده رخم ليه كده! هو انا لو قټلتو خالتي هتزعل مني صح اصلا محدش بيطيقو غيري ده اللي ليا والحته الجوانيا.
بص عليا بابتسامه فخر وقالي هاتي يستي الالف جنيه يلا ادفعي.
فضلت متنحه بعدها قولتله بهمس هما كل دول بألف جنيه يواد
هز راسه ب أيوة وقال عشان تعرفي ان كيرو مش اي حد بردو هاتي الفلوس يلا عشان نمشي.
فتحت الشنطة وطلعتهم واديتهوملوا ودفع الفلوس واخدت الكياس وانا فرحانة بكمية الحاجات الي جبتها رجعت البيت وفضلت اقيس فيهم بفرحه وانا اجنحتي مش سيعاني وامي عجبها الهدوم اوي وفرحت بيهم جدا.
عدت الفترة الصعبة بتاعت الثانوي بسرعه جدا كان كريم مهتم بيا بطريقة غريبة طول السنه كنا بننزل ساعات نتمشى وساعات كنت ببقى عندهم أو هو عندنا كان