مهمة صعبة كاملة

خدهابس انا عارف عايزة تقولي ايه. بس مش كوكي حبيبك اللي يعمل كدة في وردته.
چوري وانت عارف منين انا بفكر في ايه.
كريم انتي خاېفة اني اتغير معاكي وحاسبك علي اللي فادي عمله في حلا. واقول اوجعه زي ما ۏجع اختي.
چوري هو انت ممكن تعمل كدة!
كريم ابتسم وانتي ممكن تتخيلي ان كريم اللي بيعشق وردته ممكن يأذيها حتي بكلمة. چوري انتي حبيبتي . واللي يحب مايجرحش حبيبه. وانتي روحي. مش بس حبيبتي. انا اخد حق اختي منه هو . هو اللي اذاها. مش منك. ده يبقي ضعف مني وانا مش ضعيف.
چوري ابتسمت انا بحبك اوي اوي يا كوكي.
كريم ابتسم وانا بحبك اوي اوي اوي يا وردتي. ربنا يسامحك. انا عايش الدور وعامل حزين وماكنتش ناوي النهاردة اتشاقي. بس بعد الكلمتين دول مش هقدر اتماسك .
چوري بدلع ههههههههههه.
كريم يالهههههوي ايه الضحكة دي اموت انا فيكي
چوري بخجل كوكي.
كريم لا هي فيها كوكي ودلع تعالي..
......................................منتظر تليفونها ودايما عنيه علي الباب عل
في شركة الدعاية والاعلان . 
فتون كانت محتارة مش عارفة تعمل ايه وعزت بيضغط عليها اما تتجوزه عرفي او تسيب الشقة هي وامها واختها. ومش عارفة هتجيب فلوس منين تأجر شقة تانية. فقررت تطلب سلفة من محسن. ودخلتله تطلب منه.
في مكتب محسن. قاعد بيتكلم في الفون وفتون مستنياه لحد ماخلص بصلها بإعجاب وابتسم.
محسن اهلا بالجمال . خير عايزة حاجة.
فتون بتردد ااانا كنت عايزة طلب من حضرتك ويارب توافق.
محسن يااه طلب انتي تؤمري هاه عايزة ايه.
فتون عايزة سلفة ضروري.
محسن بخبث اهاه سلفة! بس انتي ناسية السلفة اللي اخدتيها اول ماجيتي لسة ما خلصتش.
فتون بخجل ععارفة بس والله محتجاها جدااا. وحضرتك اخصم مني الاتنين.
محسن بمكر اه بس كدة مش هيفضلك حاجة من المرتب!
فتون بحزن مش مهم ربك يفرجها المهم انا محتاجة الفلوس ضروري.
محسن عنيه لمعت بخبث حقېر امممم. طيب انا عندي فكرة تكسبي بيها فلوس من غير سلفة وكمان اكتر من اللي انتي عايزاه.
فتون پخوف فكرة ايه . ااانا قولت لحضرتك اني مش هشتغل زي البنات في الاعلانات.
محسن لا مش هتشتغلي معاهم. شوفي. احنا عندنا اعلان هيتصور بكرة في الغردقة وكلنا هنسافر وانا ببقي محتاج حد يظبطلي المواعيد والاوراق وحاجاتي ويفكرني بكل حاجة وطبعا سالي كانت هي اللي بتعمل كدة. بس هي كمان هتكون شغولة علشان هيبقي عندها تصوير. وانا مش بثق في اي حد. ايه رئيك تيجي معانا وتعملي نفس شغلك هنا وهتاخدي اوڤر تايم. هاه قولتي ايه.
فتون قلبها انقبض ايه سفر لا لا ااانا ما اقدرش اسافر واسيب امي واختي.
محسن بجدية خلاص انتي حرة بس سلفة اسف مافيش. وبعدين انتي مالك خاېفة ليه انتي هتعملي نفس شغلك وهتاخدي فلوس كمان.
فتون بتفكير هي محتاجة الفلوس واقنعت نفسها انها فعلا هعمل نفس اللي بتعمله هنا. فوافقت.
فتون طيب انا موافقة.
محسن ابتسم ايوة كدة . اعملي حسابك ماتروحيش كلنا هنمشي مع بعض بالليل.
فتون ببس انا مش عاملة حسابي لازم اروح البيت اجيب حاجات ليا كمان لازم ابلغ امي.
محسن لا ماتقلقيش انا هجبلك كل حاجة تحتاجيها وبعدين هما يومين مش حاجة. ولو علي امك كلميها في الفون وبلغيها . المهم مش هتمشي الليلة. انا هروح اخلص شوية مشاوير واجي اخدك انتي والبنات.
فتون اتنهدت بقلة حيلة حاضر عن اذنك.
خرجت فتون وبلغت امها انها هتسافر تبع الشغل بس رفضت وهي اقنعتها وفضلت منتظرة مع البنات لحد ما محسن يرجع ليهم . 
......................................
في ڤيلا مهاب عز الدين
نغم بتزعق مع تمارا وصوتها عالي. نغم كان في ايديها فستان سوارية شيك جدااا ومتغاظة من تمارا.
نغم بغيظ يا بنتي اسمعي الكلام حراااام عليكي . ريحي قلبي.
تمارا قاعدة علي الكنبة وفي ايديها طبق في بيتزا وبتاكل بمنتهي اللامبالاه. وهي بتتفرج علي Tv.
تمارا يا دكتورة ريحي نفسك انا مش هلبس الفستان ده.
نغم بعصبية انتي بنت عنيدة وايه رئيك بقي هتلبسيه ڠصب عنك.
مهاب خرج من اوضته وهو لسة ماكملش لبس وقميصة لسة ازراره مفتوحة.
مهاب في ايه بس. هو انتم ماتتكلموش غير لما تتخانقوا.
تمارا بصت لمهاب وغمزته ايوة يا كبير يخربيت كدة وربنا انت ما بتكبر هو فيه كدة يا جدعان اموت انا فيك. اااه لو ماكنتش ابويا عسسل اهوبا.
مهاب بعتلها بوسة قلب هوبا. يابت ابوكي هيفضل مسيطر.
نغم پغضب بس بس . حرااام عليكم حوار الشوارع ده. انتم ايه مابتفصلوش بين الشغل وبين البيت حررام هتجلط بسببكم. وانت ركز معايا عجبك اللي بنتك بتعمله ده.
مهاب بيكتم ضحكته احمم. اهدي بس يا ناني مالها تيمو ماهي قاعدة في حالها اهي.
نغم ماهي دي المشكلة الهانم مش عايزة تروح الحفلة معانا.
مهاب ليه بس يا تيمو!
تمارا حطت طبق البيتزا ولفت لمهاب بص يا Boss. انا هشهدك. الست الدكتورة عايزاني انا البس الفستان المشخلع ده طيب والله دي تبقي فضيحتي بجلاجل . انا بفهمها اني مش