نوفيلا (عندما يقع العز في الغرام الحلقة الرابعة عشر
المحتويات
كتابي امبارح
عز تابع كلامه لكارما دا وائل يبقى ابن عمة عمر جوز ليان عايش عمره في المانيا وبنشوف طلته البهية في الاجازات وعشت سنة معاه تدريب وتحت اشرافه في المانيا
كارما هزت راسهااا اهلا وسهلا بحضرتك
عز يالا بينا على المكتب
وائل يالا
وائل مشي بكام خطوة قدام عز بيتفرج على المستشفى ولاحظ واحدة واقفة بتبص على عز وكارما بنظرات ضيق وغيظ جذبته
كارما بهمس ودلع غيور اوي انت
عز ادلعي كله هايطلع عليكي بعدين على مكتبك
كارما مشيت وعز راح لوائل شاف نانا قرب منها
عز وائل اعرفك على دكتورة نانا من اشطر الدكاترة هنا في الجراحة ومرشحة قوية للفوز بالمنحة
عز دكتور وائل مدير بالمستشفى اللي المفروض تسافروا بالمنحة عليها وهو اللي هايقرر مين يسافر بالظبط شدي حيلك بقى
نانا كان شاغل تفكيرها كارما وقرب عز منها وطريقتهم ان شاء الله
وائل وعز مشيووا من قدامها
وائل مالها دي قرفانة من نفسها ليه
عز بضحك لا نانا دي حكايتها حكاية بتكلم كل الناس من طرف مناخيرهاا وهي شايفة ان هي اهم واحدة في قسم جراحة هنا بل وحياتك ومصر كلها
عز لا ماهي بتيجي عندي وبتفرمل بس تصدق انت الوحيد اللي تقدر تظبطها
وائل لا انا مبحبش كدا دي تتعامل اقل من اي حد
عز بص من حكم خبرتي هي فيها حاجة وطيبة بس معرفش ليه بتتعامل كدا بس الي تعرف امي قعدت معاها قعدة طويلة
وائل نبقى نعرف حكايتها من الست الوالدة
وائل عمر لأ ليان اه غدتني وعملتلي فنجان قهوة انما ايه ظبط دماغي
عز وقف مرة واحدة قعدت مع ليان لوحدك انت الغربة لحست دماغك والا ايه
وائل باستغراب وفيها ايه!!
عز بحدة فيها انه غلط وان انا اخوها واضايقت مابالك بقى بجوزها
وائل ليان دي مرات اخويا وبعدين البنات كانوا موجودين انت اصلا بتفكر ازاي
وائل انت ضايقتني جدا وهايفضل بالي مشغول لتحصل خناقة بسببي
عز مش هايحصل حاجة ان شاء الله يالا بينا على الشغل
عمر وليان قاعدين على السفرة
ليان وبس بقى لما جه انا مسكت فيه وغدتيه وراح بعد كدا لعز
عمر كان بيسمع كلامها وهو مبطل اكل وفاجأة رمى الشوكة من ايده والبنات اتخضت
فيروز ولارا قاموا وليان استغربت طريقته
ليان في ايه ياعمر
عمر وقفها ڠصب عنها ازاي تسمحي لنفسك انك تقعدي مع راجل غريب في البيت لوحدكوا وانا مش موجود انتي اتهبلتي يا ليان
ليان بدموع انا غلطت في ايه دا قريبك واللي دايما بتقول انه في معزة اخوك وجه هنا كتير انا قومت معاه بالواجب انا افتكرت لو مش قمت معاه بالواجب انت هاتزعل مني
عمر پغضب وبغيرة الي عملتيه كله غلط في غلط وقعادك معاه غلط ولوحدكوا حتى لو كان اخويا نفسه الفكرة نفسها غلط وحرام فهمتي ولا لأ
عمر سابها ومشي وهي حاولت تفهمه الموضوع لكنه رفض اسبابها
ليليان كانت قاعدة بتفكر ازاي تصالح زين
ليليان طب امثل اني تعبانة يقوم يتخض ويجي بسرعة وهو اللي يصالحني
ولكنها رجعت لا لو اكتشف اني بمثل هايطربقها فوق دماغي
ليليان طب اعمل ايه اصالحه ازاي انا ابعتله ورد على الشركة ايه شغل المراهقين دا لا لا بس هي دي ايوا انا هاعمل كدا وربنا يستر من ردة فعله
متابعة القراءة
