رواية ليلي كاملة
المحتويات
مطلبتش منك اكتر من كدة!!
تهادت في سيرها و اتجهت نحوه و وقفت بوجهه قائلة
و اظن انا كمان ان من أبسط حقوقي كزوجة انك تعاملني معاملة كويسة مش زيي زي اي واحدة جايبها من الشارع.. لما تبقى انت تنفذ واجباتك هبقي انفذ انا كمان واجباتي!!
القى المنشفة في وجهها و اتجه نحو المرحاض.. لتجلس هي على الفراش في محاولة منها للسيطرة على الرجفة السارية في جسدها.. تحاول أن تتصنع الشجاعة أمامه و هي كقشة إذا أتت رياح خفيفة ستتقاذفها و لن تعود إلى ضالتها مرة أخرى!!
لما انت هتنام هنا انا هنام فين!!
لم يجيبها فاتجهت نحوه تهزه پعنف و هي تقول
هو انا مش بكلمك.. هتنام و تسيبني ليه!!
جذبها لتسقط على الفراش.. بين و قال
نامي دلوقتي و الصبح قومي اټخانقي زي ما انتي عايزة..
يوسف ابعد لو سمحت!
و هو يغلق عينيه مستقبلا النوم و قال بصوت خفيض
انا عايزك تنامي في يا هنا.. مش هلمسك مټخافيش!!
______________________________________
كان سيدلف إلى حجرته ليطمئن أن هند خلدت للنوم قبل أن يستوقفه صوتها و هي تقول
آية اللي جالج منامك لحد دلوج!!
الټفت لها مبتسما و هو يقول
مفيش يا منيرة... كنت بحاول اكلم ليلي.. قلقان عليها!!
اختفت الابتسامة من علي وجهها و هي تقول
عندها شغل مهم.. تصبحي على خير بقا عشان هند اكيد مش عارفة تنام من غيري
و انت من اهل الخير!!
تركها و دلف إلى حجرته بينما هي ظلت تسير و هي تستشعر أن هناك طوق يلتف حول رقبتها يمنع عنها الهواء و ېخنقها..
بالتأكيد هذا الطوق هو.. عشق فارس ل ليلي!!
_______________________________________
القادم هو المجهول.. ما الذي سيحدث بعد إتمام حفل الزواج.. هذا ما جعلها خائڤة.. حائرة و لكن..
أيضا هي سعيدة كونها ستصبح زوجة فهد فقد تحققت أمنيتها الوحيدة في هذه الحياة!
لكن هنالك دائما شيئا يعكر هذه السعادة.. ألا و هو أنها تعتقد أن فهد مجبر على هذة الزيجة..
مالك سرحانة في إية!
انتبهت له و نطق لسانها بتلقائية بما يعتمل داخل صدرها
فهد ارجع لو انت مجبر على الجوازة دي!
ارتفع حاجبه الأيسر و ارتسمت ابتسامة على وجهه و هو يقول
و مين اللي قالك اني مجبر.. انا الظروف ساعدتني مش اكتر..
يعني اية مش فاهمة!
قالتها مني بتعجب ليردف هو
لما نقعد لوحدنا هفهمك عشان ماما ناهد و داليا جايين!
غط الجميع في النوم عدا هي و هو..
استقبل هاتفه مكالمة.. فرد هو قائلا
ألو.. مين معايا!
انا نور اخت ليلي يا فهد.. ازيك!
تمام الحمد لله.. ازيك انتي يا نور مختفية فين انتي و ليلي!!
موجودين.. انا في قنا اتصلت اباركلك مازن كان قالي ان فرحك كمان يومين!..
اه فعلا فرحي كمان يومين.. بس انتي بتعملي اية فى قنا.. مش فاهم حاجة!
لما توصل هنتقابل و افهمك كل حاجة!
خلاص يبقى اول ما اوصل هتصل بيكي احدد معاكي معاد نتقابل..
تمام.. سلملي على العروسة!
الله يسلمك..
أغلق الهاتف ليصطدم بنظرات منى الحادة الموجهة صوبه.. نظر لها بدهشة قائلا
لا إله إلا الله.. ممكن افهم مالك!
طالما عايز تتجوزني ھتموت على أخبار ليلي هانم لية!
ابتسم على تلك الغيرة المنبعثة من بين حديثها ليقول هو
ليلي دلوقتي متجوزة يا منى يعني مفيش اي شيء يربطني بيها غير علاقة أخوة مش اكتر!
اه و الله.. و بتتكلم بلهفة عليها اوي كدة ليه!
انا بتكلم بلهفة عليها!...طيب و انتي مالك غيرانة عليا اووي كدة لية!
قرر التلاعب بأوتار قلبها.. و نتيجة لتساؤله ذلك احمرت وجنتيها و هي تقول بتلعثم..
و انا هغير عليك ليه يعني.. عادي بس انت لازم تحترم اني بقيت مراتك!
ماشي يا
موني.. و انا بقولك ان انا مفيش بيني و بين ليلي اي حاجة تماما.. غير اني بعتبرها اختي و بس و يمكن ربنا حطني قدامها عشان اساعدها في الظروف اللي كانت فيهم!
________________________________________
بعد انتهاء العزاء التي أقامته سما لۏفاة حسام جلست و هي تقول
ها يا ماما.. اتصلتي على المحامي عشان يجي ينهي إجراءات الورث!!
اة.. قالي انه قرب أخيرا خلصنا من حسام و الحرباية اللي كان متجوزها و هنورث و ناخد حق اختي اللي محسن كله عليها!!
دق الباب فاتجهت عصمت لتفتحه.. دلف المحامي و الضيق مرتسم على وجهه..
ازيك يا متر.. خير مالك!!
مفيش خير ابدا يا عصمت هانم..
ليه بس قولي فيه اية!
لما رحت عشان اعمل إعلام وراثة عرفت ان كل أملاك حسام بيه قبل ما ېموت كتبها باسم الدكتور محسن عدلي والده و بالتالي أصبح استاذ حسام معندوش اي أملاك تورثها مدام سما و ابنها..
صاحت به عصمت پجنون
آية اللي انت بتقوله دة.. دة كلام فارغ يعني اية كل التخطيط اللي خططناه عشان اجيب حق اختي ضاع.. مفيش فلوس مفيش ورث كله بح.. دة انا اروح في محسن في داهية!!
اهدي بس يا مدام عصمت.. انا عرفت كمان ان دكتور محسن صفي كل شغله هنا و باع كل املاكه و هاجر برة مصر!!
سقطت عصمت مغشي عليها من الصدمة لتصرخ سما قائلة
ماما.. ماما!
______________________________________
جلس في مكتبه و هو لا يعلم إلى أي اتجاه سيسير...
هل يسير في اتجاه قضية نور أن في اتجاه قضية اختطاف ليلي التي لم يبلغ بها فارس الي الآن و لم يجيب على اتصالاته منذ البارحة..
نهض و هو يسير أمام الخمس نساء و هو يقول
مين اللي حرضك انتي و هي على الاعتداء على نور سويلم و قتل الخدامة!!
قالت إحداهن
يا باشا قولنا لحضرتك.. حسام عدلي انت لية مش عايز تصدقنا!!
بقولك اية يا انتي و هي انا مبخدش من الشويتين دول.. حسام عدلي ماټ يبقى هيحرضكم ازاي على الاعتداء على نور!!
قالت إحداهن بتوتر
بص يا باشا انا هقولك على كل حاجة و اللي يحصل يحصل بقى!!
نظرن باقيهن لها بتحرير لتقول هي
سما مرات حسام بيه هي اللي حرضتنا على كدة...و قالتلنا نسقط نور و لو اتمسكنا نقول ان حسام بيه هو اللي قالنا نعمل كدة..
جلس على مكتبه و هو يقول للرجل الجالس بجانبه
اكتب يا ابني.. قررنا نحن مازن الرفاعي إصدار أمر ضبط و إحضار لسما إسماعيل و حبس كلا من سمية ابو ضيف و سميرة حمزاوي و سماح قنديل و خيرية رامي و سميحة سعد أربعة أيام على ذمة التحقيق!
خرجن جميعهن و بقى بمفرده.. ليدخل عليه إحدى الأشخاص قائلا
مازن بيه عرفنا نوصل لأخبار عن دكتور ليلي
نهض مازن و هو يقول
قول بسرعة..
رطب الرجل شفتيه و هو يقول بتردد
احم.. لقينا العربية اللي حضرتك اديتنا مواصفاتها غرقانة في النيل في الدقي.. و مفيش فيها چثث
شحب وجه مازن و ارتفعت أنفاسه و هو يقول
انتوا اتأكدتوا أن هي دي العربية!
ايوة يا فندم..
و بلغتوا الضفادع البشرية تدور على الچثث!!
ايوة يا فندم و لم يتم العثور على أي چثث..
يبقى احنا منقدرش نعلن ۏفاتها الا لما نلاقي الچثث لكن غير كدة ممكن يكون خدعة منهم عشان يشغلونا عن البحث عنها.. البحث لازم يستمر و يبقي في سرية تامة يا محمد و تطلع قوة على بيت المدعوة سما إسماعيل و يتم ضبطها!
____________________________________
جلسوا على مائدة الطعام جميعهم في واد غير الآخر..
يوسف يفكر ما الذي ينبغي عليه أن يفعل في الأيام القادمة..
نور تفكر هل تقبل بعرض مازن للزواج منها ام لا..
هنا تفكر إذا كان ما تفعله مع يوسف صحيح ام لا..
فارس يفكر في ليلي و عدم ردها عليه هي و مازن و القلق يتآكله..
منيرة تفكر كيف تشغل عقل فارس عن ليلي و تجعله يقع في غرامها!!!
مر اليوم سريعا و أتى الليل و فارس لا يكف عن اتصالاته ب ليلي و مازن و هو متيقن تماما أن هناك خطب
ما..
و عندما فاض به الكيل بعث برسالة إلى مازن يقول فيها
ما هو و انت لو مردتش عليا و فهمتني اية اللي بيحصل انا هنزل القاهرة دلوقتي و اللي يحصل يحصل
ترك الهاتف و هو هند النائمة بجواره و هي تذكره كثيرا ب ليلته..
نفس الملامح الفاتنة و المقلتان الواسعتان و الشعر البندقية المشاغب..
وجد باب غرفته يفتح و تدلف منه منيرة و كاللصوص..
انتفض واقفا و هو يقول لها
آية اللي انتي بتعمليه دة يا منيرة انتي ازاي تيجي هنا!
تعبت يا فارس خلاص.. معدتش جادرة اخبي.. لازم أجولك اني عشجاك.. من زمان من جبل ليلي و من جبل ما تعرفها انا اللي ليا حج فيك مش هيا.. انا اللي استاهل عشجك مش هيا!
قالتها و هي تقترب منه حتى لامست صدره.. فدفعها هو قائلا
انتي اټجننتي خالص يا منيرة.. اتفضلي اخرجي برة يوسف لو عرف انك هنا و لا سمع حاجة من اللي انتي بتقوليه دة هيقتلك!
ميهمنيش الدنيا كلتها.. انا ريداك انت هربي بتك زي بتي بالظبط و هعاملها زين و هبجي زي امها بس اتجوزني!!
اخرجي برة يا منيرة.. اخرجي برة بلاش فضايح!!
كان يدفعها للخارج و بدون مقدمات صاحت هي بصړاخ قائلة
الحجوني.. الحجوني يا خلج بېتهجم عليا!!
نظر لها بذهول و هما واقفان على باب غرفته و على صوت صړاخها هبط الجميع من غرفهم و استيقظت هند و هي تبكي...
توتر فارس رغم أنه لم يفعل أي شيء مشين و لكن الظروف لم تكن في صالحه و جميعهم سيصدقونها و لا أحد سيصدقه..
في أية يا عمتي.. اية اللى موجفك عند اوضة فارس و پتصرخي ليه!
الحجني يا يوسف.. صاحبك اللي انت مجعده في دارك حاول ېتهجم عليا و جابني اوضته ڠصب!!
قالتها و هي تبكي محتمية ب يوسف.. لينظر له يوسف بذهول و عقله لا يستطيع تصديق ما يقال
لتقول صابحة..
يا دي الفضايح اخرج برة بيتي انت و بتك دلوج.. برة!!
فارس لا يمكن يعمل اي حاجة من الكلام الفارغ دة يا يوسف... و لو فارس خرج من هنا انا هخرج معاه..
قالتها هنا و هي تعلم دهاء منيرة.. و تعلم أنها تحب فارس من نظراتها له..
بالسلامة كلاتكم.. معوزاش حد في بيتي!!
ردت عليها صابحة بهذة الجملة ليصيح يوسف پغضب قائلا
بس.. مش عاوز اسمع حس واحدة فيكم!! تعالى معايا يا فارس!..
خرج فارس مع يوسف نحو الحديقة.. قال يوسف..
بص يا فارس انت مش صاحب عمري و بس لا انت اخويا الكبير اللي مربيني و انا هسألك سؤال واحد و هصدق اللي انت هتقولوه الكلام اللي عمتي بتقوله دة صح!
لا يا يوسف مش
متابعة القراءة
