اسكريبت حب بالتبادل كامله بقلم الكاتبه هاجر نور الدين
اللي قولته مرة تانية من التسرع والغباء بتاعي وسكتت وأنا باصة في الأرض ضحكوا كلهم عليا وعدوا الموضوع وإتكلموا مع بعض عن الخطوبة هتبقى إمتي وهننزل نجيب الدهب إمتى وهتبقى في البيت بيننا بسيطة وهادية كلنا بعد الخبر كنا فرحانين جدا إلا فاطمة اللي أول ما سمعت جدي قال كدا إتصدمت وقامت من القاعدة بصراحة مهتمتش بيها لإنها كانت مزوداها أوي وزاد بغضي منها بعد اللي عملته مع عزت وهي مش حاسة ب آي ذرة ندم باقي اليوم رامي كان بيحاول يقعد يتكلم معايا بس أنا كنت بتجاهله على قد ما أقدر عشان مكسوفة منه خصوصا بعد ما عرفت إن اللي عليز يخطبها أنا مش واحدة تاني الفرحة مكنتش سيعاني بجد الحب اللي كان بيني وبين نفسي مرحش هدر السنين دي كلها وخلاص هنبقى لبعض بجد وهو كمان بيحبني مر بعدها إسبوع وإتخطبنا خلاص فاطمة محضرتش الخطوبة وكانت فوق بس عزت كان موجود خلصت الخطوبة البسيطة وقعدنا بعدها ناكل جاتو وكيكة وإحنا مبسوطين رامي كان قاعد جنبي وقرب مني شوية وقال بإبتسامة
بصيتله وقولت بإبتسامة
تؤتؤ مبروك عليك أنا مش العكس.
إبتسم وقال
ياستي هخليها عليا بس فعلا يابختي بيكي.
إبتسمت وإتكسفت وسكتت قرب مني تاني وقال بتساؤل
هتقوليلي تصبح على خير قبل ما أمشي خلاص بقيتي خطيبتي.
بصيتله بدهشة وقولت
إنت لسة فاكر?
إبتسم وقال
هو أنا أقدر أنسى حاجة قولتيها وبعدين خلاص كلها كام شهر وهتبقي في بيتي مينفعش أسيب تفصيلة بتقوليها إلا وهي بتبقى هنا.
عدا شهر على خطوبتي من رامي وكان شهر هادي جدا مفيهوش آي مشاكل اللي إتغير في الشهر دا بس هي عادات فاطمة بقت ساكتة ومكتئبة وأغلب الوقت لوحدها رغم إني مش بستلطفها ولكن مرضتش أسيبها لوحدها وبحاول أهون عليها بس كل ما باجي أكلمها بتصدني ف قررت إني ماليش دعوة بيها تاني كنا قاعدين كلنا زي كل خميس وفجأة عزت قام وقال بإبتسامة
كلنا بصيناله ب إهتمام كمل بسعادة وقال
أنا في بنت في بالي بقالها كام يوم وكنت عايز أروح أخطبها.
كلنا بصيناله بفرحة وجدي قال بتشجيع
طيب ومستني إي هات رقم والدها ناخد ميعاد منهم ونروح.
بص ل جدي بإبتسامة وسعادة وقال
بجد يا جدي?
إتكلم جدي بإبتسامة وقال
بجد يا عيون جدك ههزر في الكلام دا ولا إي!
عزت إستنى.
وقف بإستغراب وقال
في حاجة يا فاطمة?
وقفت شوية بتردد وتوتر وهي بتجمع تقول إي وقالت
رد عليها بعدم إهتمام وهدوء
زي ما سمعتي.
إتكبمت بتلقائية وحزن وقالت
طيب وأنا مش كنت بتحبني?
إبتسم إبتسامة جانبية وقال
كنت يا فاطمة ودلوقتي أنا بحب واحدة تانية وهخطبها وإن شاء الله مش هترفضني.
أيوا بس لسة بتحبني
أنا!
إتكلم بنفاذ صبر وقال
ليه متأكدة
أوي كدا فاطمة مش كل حاجة ملكك والفرصة بتبقى مرة واحدة بس لكل شخص الحاجة اللي متاحالك دلوقتي مش هتفضل متاحالك على طول عن إذنك لإني مش فاضي ووقفتنا وكلامنا مالهومش لازمة.
سابها ومشي بعدم إهتمام وهي قعدت على السلم وبدأت ټعيط نزلت من وراها وڠصب عني سمعت آخر كلام قاله عزت قعدت جنبها وهي صعبانة عليا حالتها حطيت إيدي على كتفها وقولت بأسف
إن شاء الله ربنا هيعوضك خير إنتي بس متعمليش في نفسك كدا وإعرفي إزاي تخرجي نفسك من اللي إنتي فيه.
مسحت دموعها وبصت على إيدي وبعدين بصتلي بحزن وقالت
إنتي إزاي برغم كل المدايقات اللي كنت بعملهالك وبرغم كل اللي كنت بعمله لسة تمام من ناحيتي إزاي قادرة تكوني باللطف والحنية دي مع شخص كان بيأذيكي ب قصد!
بصيتلها وإبتسمت وقولت
لإني مش حابة أعيش في الضلمة يا فاطمة الناس اللي الحقد والغيرة والكره بيسيطروا عليهم بيعيشوا طول عمرهم في ضلمة ومحدش بيحب يعيش طول عمره في ضلمة نور العين غالي ما بالك ب نور القلب!
عيشي حياتك يا فاطمة وإستني اللي يحبك وتحبيه بجد عيشي حياتك بسعادة من غير حقد أو كره وإنتي هتلاقي الدنيا بتضحكلك من كل إتجاه.
خلصت كلامي وهي حضنتني وهي بټعيط شديت على حضنها لحد ما خلصت وبعدين مسحت دموعها وطلعنا مع بعض الكل إستغرب إننا مع بعض وبنبتسم وكمان إيدينا في إيد بعض ولكن دي حاجة بسطت الكل أكيد.
عدا إسبوعين بعد اليوم دا وكنا في خطوبة عزت كلنا كنا مبسوطين وفاطمة كانت موجودة وبقت حاسة بسلام أكبر ودا شئ فرحني جدا إني قدرت أساعدها قبل ما ټغرق في الضلمة جه رامي قعد جنبي على الكرسي وقال بإبتسامة
كلها 3 شهور وتبقي مراتي.
بصيتله بإبتسامة وقولت
أخيرا بجد ربنا يتمم اليوم دا على خير لإني حقيقي خاېفة تحصل آي حاجة.
بصلي بنظرة شك وقال
يا لئيمة عشان كدا كنتي بتساعدي فاطمة عشلن متعملكيش مشاكل.
بصيتله بصد مة وأنا بقول
وطي صوتك يخربيتك أكيد مش دا السبب الوحيد يعني.
غمزلي وقال
بس من ضمن الأسباب.
بصيتله وإبتسمت على شكله وقولت
يا سيدي ماشي.
الحياة في عيلتنا بقت هادية جدا رجعنا زي الأول خالص كلنا عيلة واحدة ومفيش آي مشاكل بيننا وبنستنى كل خميس بفارغ الصبر عشان نقعد كلنا مع بعض ل وش الصبح وإحنا بنحكي وبنضحك.
هاجر نورالدين
حب بالتبادل
تمت
