دخل الاوضه

اكتبها على اسمي فأني لايمكن هعترف بيها ولا هتكون من دمي واصل. 
خلص كلامه وسمع ممدوح عيرد عليه بمنتهي العصبيه
بس اني معتبرها بت عمي ومتوكد انها بتك كمان ورايدها وعايز اتجوزها على سنة الله ورسوله وطالب يدها منك بالاصول وبالحلال. 
رد عليه كرار وهو عيبص لربيعه بغل
واني عقولهالك ياممدوح البت داي عمر ډمها ماهيختلط بدمنا ولا هتكون ام لولاد عيلتنا صوح هي خدت اسمي بس عيالها هياخدوا اسم راجل غريب عن العيله وحكاية انك رايدها وعايز تتجوزها والحديت الخايب ديه تنساه وااااصل.
خلص كلامه واتحرك على البيت وهمل تلاته قلوبهم عتغلي ڼار من عمايله وكلامه وبالذات ربيعه اللي ۏجع روحها اكبر من ۏجع چرح يدها بكتيير.
أما ربيعه فبعد ماخدت نصيبها من أبوها عاودت للبيت باللمون والدم مغرف جلابيتها وبمجرد مادخلت الموطبخ لأمها وشام شافت الډم شهقت وجريت عليها وهي حاسه الدنيا عتلف بيها من الخۏف وبمجرد ماوصلتلها ابتدت تفتش فيها وتشوف الډم اللي مغرق خلجاتها جاي منين وأول ماشافت يدها والچرح اللي فيها سألتها عن سببه وربيعه حكتلها كل حاجه فنزلت دموع شام على بتها بقهره ورفعت كف يدها اللي سبق وكرار عمل فيه علامه بحړق ڼار مراحتش ابدا برغم السنين اللي فاتت وقربتها من يد بتها وشافت إن چرح ربيعه فنفس اليد ونفس الموطرح وكأن كرار عيعيد الظلم من أول وجديد وكأنه حوصول اللي كانت خاېفه منيه وبتها هتقاسمها فحظها العفش للنهايه وحتى الچروح عتنعاد هي هي 
دخل كرار البيت وبوشه راح على اوضة أمه فتحها ودخل فيها وقعد عالسرير موطرح ماكانت تنام 
ومسد على فرشتها واتنهد وهو عيفتكر ذكرياته معاها وجرحه ليها بالكلام وتفضيل مرته عليها فلحظة غباء وكيف كب فى الارض كل حبها وتفضيلها ليه دونا عن اخواته وعن الدنيا كلها
ومفتكرش ليها غير موقف واحد دمر بيه حياته وكسر قلبها ووصلها انها ماټت مكموده وحيده فأوضتها من عمايل شوقيه فيها واللي مقدرش يحميها منها ومن جبروتها 
شوقيه اللي كان خابر إنها عتعذب كل فرد في البيت بطريقه مختلفه وساكت ومهملها كيف ماتكون السکينه سارقاه أو كيف مايكون مسحور عياجي حداها وعقله يوقف وكل تفكيره عيتشل والخۏف منها ومن اللي ممكن تعمله فيه عيسيطر عليه بالكامل.
وقف وراح على دولابها وفتحه ومسك جلابيه من خلجاتها وضمھا لصدره ونزلت دموعه بغلب وقلة حيله على حياته اللي جايبها من اولها ڠصب بڠصب 
وكل حاجه عتجرا فيها مش على هواه من أول شام وبتها لحد شوقيه وعمايلها.
وكانت هي الوحيده اللي مهوناها عليه.
خلص نوبة بكاه وزعله وحط الجلابيه تاني موطرحها وقفل الدولاب وطلع من جيبه الفلوس اللي كل يوم عيخنصرها من شغله وحطهم مع اخواتهم في الشكمجيه بتاعة امه وقفلها بقفلها وحطها جوا الدولاب وقفل الدولاب بقفله وحط القفل فجيبه وطلع وقفل باب الاوضه بقفله ومشى ووهو عيحسب فيهم ويشوفهم قربوا يكملوا حق قراط ارض ولا لسه من اللي عيحوش ويشتريهم من ورا شوقيه عشان يحس ان معاه حاجه يتسند عليها وقت ماتغدر بيه الحيه اللي انيها فبيته.
ويادوبك طلع ومشى كام خطوه في الحوش وشافها نازله من فوق وقف موطرحه وبصلها وهي جايه عليه وفى عيونها اتهام صريح ليه بخيانته ليها مع شام وخصوصي وهي عتمد رقبتها وتبص جوا المطبخ لكن كرار كان أخر همه شوقيه واتهاماتها فهملها واقفه موطرحها واتخطاها
وطلع على اوضته فوق يرتاحله هبابه. 
أما في أوضة بدور وعزت
بدور عقولك ياعزت ايه رأيك نخلفولنا عيل رابع. 
عزت
ماتخلفي حد حايشك 
بدور وهخلف لحالي يعني ولا ايه 
عزت رد عليها بعدم اهتمام
ايوه مش انتي اللي عايزه تخلفي خلفي لحالك اني معاوزش اخلف ولو يوم عوزت اخلف اني هخلف لحالي معرفش كيف بس هتصرف يعني. 
بدور بصتله ومتكلمتش وهو قالها بأمر
قومي اعمليلي بصايه قومي وبزيادانا ال٣ قرود اللي جايباهملنا قومي احسن النوبادي تاجي بت وتاخد شكلك وتوبقي نصيبه سوده على راسنا. 
بدور بزعل
ليه يعني وهو اني عفشه ولا عفشه 
عزت بيأس
له يابوي عفشه ايه لا سمح الله لسان اللي يقول عليكي عفشه وكمل في سره اسم الله عالعفاشه منك. 
ونزلت بدور بعدها وهي خايبة الرجا من عزت وهملته وهو ابتدا يقارن فعقله مابينها وبين شام كيف ماعيعمل من سنين وسنين لا كل ولا مل ولا زهق من شي عيتطلعله وهو خابر زين إنه عمره ماهيطولهلكنه مصر عالمحاوله
أما حدا بيت عبد الصمد
دهب
بشاير يابشاير.. يلا همي يابنيتي علقي عالطبيخ جوزك وعيالك زمانهم على جيه وانتي عتعوقى عليهم قوي فى الوكل وهما عيعاودوا لهفانين وواقعين من الجوع. 
بشاير ردت عليها وهي عتقوم بصعوبه
والله يمه المفروض اني مااقوم ولا اعمل حاجه اني النوبادي حاسه إن بطني فيها حجر تقيل مش عيل لا قادره اميل ولا اتعدل ولا اتحرك حتى منها. 
دهب بشفقهمعلهش يابنيتي اتحملي ولازمن الحركه عشان تسهل عليكي ولادتك انتي فشهرك اني لولا ماانتي وابوكي وحتي جوزك مانعيني من الخدمه والقرب عالنار والله ماكان خليتك قربتى علي طبيخ ولا غريف. 
ردت عليها بشاير وهي عتقوم من عالدكه اللي جارها
يمه طبيخ ايه بس اللي عايزه تطبخيه وعمليتك لساها خضرا مطابتش وبعدين الداكتور محرج عليكي من السخانه شيل المراره واعر يمه وانتي كتر خيرك المتحمله وجعه كمان عايزه تقومي تخدميني
اني خابره انك لو رايقه مكنتيش هتخليني فاليومين دول احط يدي فحاجه كيف مامتعودة فكل عيل بس معلهش خليكي انتي فعمليتك وخليكي بعيد عشان تطيبي قوام واني اهه عجاهد وعلى كد حيلي هعمل وهما كتر خيرهم عياكلوا اي حاجه اعملها من خشم ساكت والسيد بس يعاود من شغله يده بيدي فخدمة البيت ومعيسيبنيشوكمان اليومين دول اني راميه كل الحمل عليه وهو شايل الحق يتقال.
اتنهدت دهب وردت على بتها بأسى
في العاده اليومين دول لما الوحده تكل من الحبل لو ملقتش امها جارها عتلاقي خياتها البنات خدامها بس هنعملوا ايه فالبخت اللي فرقكم عن بعض وخلاكم كيف المقطوعين من شجر مفيش اخت تروح للتانيه ولا تشيل عنها وحده شايله حمول الدنيا كلها وعتلف في الدنيا كيف ماتكون عتلف فساقيه عشان خاطر عيالهاوولا مره حسينا انها ولدت غير بعدها بكام يوم ولا حد شافلها ۏجع طلق ولا الم مخاض.. 
ووحده اتسجنت ورا سور عالي ووكت ماولدت ماشفناها واديكي انتي محتاجالهم وملاقياهمش.. اخي بس انتي اهون وحده فيهم كلنا حواليكي وفي الولدتين كنتي تقولي الاه اقول يارب زيح وسهل واني ماسكه يدك وواخداكي فباطي واهون عليكي وحتي دلوك اديكي وسطنا مع انى مقدارش على خدمتك بس برضك تحت عيني.
ردت عليها بشاير وهي عتعاود وتقعد جارها تاني
معاكي حق يمه والله وجود الحبايب فوكت التعب بيخفف ويهون وكتر خير خياتي اللي كل وحده فيهم شافت اليوم الواعر ديه وعاشته لحالها.. وخصوصي شام اللي كاسره القلب عليها والروح مفرفحه على شوفتها وشوفة بتها اللي من ساعة ماشفناها وهي حتتة لحمه حمره مايكون ريناها تاني تلاقيها بقت عروسه دلوك تسر العين والخاطر
دهب اتنهدت وردت عليها بۏجع
ااااخ على ۏجع قلبي علي شام وعلى بتها وحسرتى على شوفتهم.. بقالي